(Through Rose-Coloured Glasses)

我是肥佬市長的擁躉, 「福特王朝」的信徒。

我家就在 Etobicoke,  多倫多的 suburb,  是獨立樓房,  三房兩廳,  有前後花園,  是我們的小康之家。剛退休,  閒来弄孫兒,  弄園藝,  和朋友打番幾圈衞生牌,  過日神。

生活雖然過得去,  但退休金有限,  花錢還是要小心為上。

活动范围, 就止限於住宅, 花園, 和附近商場。偶然入 town, 都是驅車前往; 最怕就是遇上那些單車騎士, 横衝直撞, 一下不小心, 碰跌一個, 就大件事了。

肥佬市長話要起 subway, 我舉腳都贊成。馬路是留給汽車專用的。

唔知奌解, 班報紙佬, 好似同佢有仇, 分分鐘要起佢底, 可能見佢肥頭 dub 耳, 好吓 D。我就看不順眼, 簡直是歧視。

誰能無錯, 吸煙喝酒, 很多人都会做過, 咪埋来做, 你唔知之嘛。吸毒, 比較嚴重, 但都已成過去, 而且只是酒醉後試過一次咁多; 佢又聲淚俱下来道歉, 感人肺胕, 有勇氣, 應該再給他一個机会。

肥佬, 以後,  要聽兄弟 Doug 的金石良言, 自己靜鳮鳮, 咪埋土庫去吸食, 那就神不知, 鬼不覺, 唔会被輿論捉到痛腳了。

肥佬市長有一些三教九流的朋友, 又算什么! 朋友有難, 佢又探監, 寫信, 沒把他們拋棄, 更不把他們送進車底, 好似佢個鈎魚 buddy, Stevie 一样。肥佬市長就的確夠哂義氣啦。

肥佬市長執政以来, 建竖唔少, 替我們纳税人慳番幾百萬, 又攪掂班垃圾佬, 就係值得支持。減稅, 減支出, 唔似市政班 pinko, 只会花錢在 welfare, 唔替我地 D 纳税人着想。

肥佬市長認為, 佢一個人都可以 run City Hall, 照現在情况看来, 那可能是 from his basement 了。