辨姦論 (宋．蘇洵）
事有必至，理有固然。惟天下之靜者，乃能見微而知著。
每件事有其必然結果，樣樣都有得解。世界上只有冷靜既人，先能夠係微細跡像之中，睇得出D緊要既野。
月暈而風，礎潤而雨，人人知之。
月光週圍有光環，預示會翻風；石柱濕立立，就快落雨；呢D道理，人人都識。
人事之推移，理勢之相因，其疎闊而難知，變化而不可測者，孰與天地陰陽之事？
世間人事變化，情理形勢、因果關係，好抽象玄妙，難以理解；當中千變萬化，無法預測，又點同能與自然現象既變化相比呢？
而賢者有不知，其故何也？好惡亂其中，而利害奪其外也。
即使賢人，都會有所不知。點解呢？因為愛好同憎惡，擾亂左個心；計較利害得失，又會影響佢既決定。
昔者山巨源見王衍曰：「誤天下蒼生者，必此人也！」
舊陣時，山濤見完王衍咁講：「日後為害天下蒼生，梗係呢個人！」
郭汾陽見盧杞曰：「此人得志，吾子孫無遺類矣！」
郭子儀見過盧杞，之後就話：「呢條友俾佢一朝得志，我咸家剷都有份！」 Continue reading
虬髯客傳(唐 杜光庭)3
靖亦策馬遄征，俄即到京，與張氏同往，乃一小板門。叩之，有應者，拜曰：「三郎令候一娘子、李郎久矣。」延入重門，門益壯麗。奴婢三十人羅列於前，奴二十人引靖入東廳。廳之陳設，窮極珍異，巾箱妝奩冠鏡首飾之盛，非人間之物。
李靖騎馬返去，不久就到西京，同張氏去約定既地方，睇見一道小板門，敲咗幾下，有人開門迎接，恭敬下拜說：「奉三郎命令，恭候李郎同大娘子已有好耐。」邀請佢地行過好幾道門，一道比一道高大，仲有四十個ㄚ鬟，整整齊齊排列係度，奴僕二十人引導李靖和張氏去東廳。廳上陳設珍貴奇異到極，巾箱、妝奩、銅鏡、首飾好多，並非普通人家用得起既物件。 Continue reading
曰：「靖之友劉文靜者，與之狎，因文靜見之可也。然兄欲何為？」曰：「望氣者言太原有奇氣，使吾訪之。李郎明發，何日到太原？」靖計之日，曰：「某日當到。」曰：「達之明日方曙，候我於汾陽橋。」言訖，乘驢而去，其行若飛，回顧已失。靖與張氏且驚且喜，久之，曰：「烈士不欺人，固無畏！」促鞭而行。
李靖說：「我有個朋友叫劉文靜，同佢好熟識，靠劉文靜就可以見到佢。大哥你實係想點？」客人說：「識得睇國運既人話在太原一帶有王氣，叫我去查訪一下。李郎明日動身前往，幾耐可以到太原？」李靖算一下日期，說：「某某日應該會到！」客人說：「你抵達太原，第二日天光時分，係汾陽橋等我。」話一講完，跨上驢子就走，那驢子轉眼間就無影了。李靖和張氏又驚奇又高興，過一陣先說：「呢個壯士，一定不會欺騙我地，唔駛顧慮咯。」二人並快馬加鞭，離開了。 Continue reading
虬髯客傳(唐 杜光庭)1
隋煬帝之幸江都也，命司空楊素守西京。素驕貴，又以時亂，天下之權重望者莫我若也。奢貴自奉，禮異人臣。每公卿入言，賓客上謁，未嘗不踞床而見，令美人捧出，侍婢羅列，頗僭於上。末年益甚，無復知所負荷、有扶危持顛之心。
隋煬帝去揚州遊玩，叫司空楊素留守西京長安。楊素地位高，個性又驕傲怠慢。當時政局混亂，佢自認為權勢大、聲望高，全世界無人比得上佢。佢過D好豪既生活，超過晒臣子既排場。有同朝大臣搵佢商量事情，或有客人來拜見，楊素總係挨係張床上，由美人簇擁出來，仲有好多婢女侍立在旁，仲巴閉過皇帝咁款。後來他變本加厲，完全唔理自己既責任，無晒扶持危亡、安定家國之心。 Continue reading
徐文長傳 (明 袁宏道)
徐渭，字文長，為山陰諸生，聲名藉甚。薛公蕙校越時，奇其才，有國士之目；然數奇，屢試輒蹶。
徐渭，字文長，是山陰生員，名氣好大。薛公蕙做浙江試官時，好欣賞佢既的才華，視之爲國士。不過佢命水唔好，考過幾次科舉試都落第。
中丞胡公宗憲聞之，客諸幕。文長每見，則葛衣烏巾，縱談天下事；胡公大喜。
中丞胡宗憲聽到有佢呢個人，就請佢做幕僚。文長每次參見胡公，總係著葛布長衫，頭戴烏巾，口若懸河咁議論天下大事，胡公都幾鍾意聽佢講。
是時公督數邊兵，威鎮東南，介冑之士，膝語蛇行，不敢舉頭；而文長以部下一諸生傲之；議者方之劉真長、杜少陵云。
當時統率幾支軍隊，威鎮東南，部下將士見到胡公，總是側身緩步，唔敢抬頭講話，而以一個生員身份，對胡公的態度都串下。有人於是將文長比作劉真長、杜少陵個級既高人。
會得白鹿，屬文長作表。表上，永陵喜。公以是益奇之，一切疏計，皆出其手。
有次胡公獵得一頭白鹿，以爲祥瑞，囑託文長寫賀表，表文奏上世宗，皇帝都好滿意。胡公是以更加器重文長，所有上奏朝廷文件，都俾他起稿。 Continue reading
卜居 (楚辭)
屈原既放，三年不得復見；竭知盡忠，而蔽鄣於讒，心煩慮亂，不知所從。
屈原放逐在外三年，未能再見君王一面。佢為國家竭盡才智與忠誠，遭受小人讒言阻隔；心煩意亂，唔知道點做人咯。
乃往見太卜鄭詹尹曰：「余有所疑，願因先生決之。」
於是佢去見首席占卜師鄭詹尹，話佢知：「我有D野諗唔通，希望先生指點迷津，幫我決定點做。」
詹尹乃端策拂龜曰：「君將何以教之？」
詹尹擺好占卜用既蓍草，抹乾淨個龜殼，問：「你有咩疑難要占卜？」
屈原曰：「吾寧悃悃款款朴以忠乎？將送往勞來，斯無窮乎？
屈原：「我應唔應該誠誠懇懇，老實忠厚？還是要逢迎他人，成日無時停？ Continue reading
深慮論 (明 方孝孺 )
慮天下者，常圖其所難，而忽其所易；備其所可畏，而遺其所不疑。
考慮天下大事既人，往往著重佢地認為艱難既地方，而忽略左簡單既事；防範佢地擔心既事，而遺漏左以為無問題既事。
然而禍常發于所忽之中，而亂常起于不足疑之事。
但係禍患往往發生係人忽略既地方，災亂時常發生係以為無問題的地方。
豈其慮之未周與？蓋慮之所能及者，人事之宜然；而出于智力之所不及者，天道也。
唔通佢地考慮得未夠周詳？其實因為我地只能考慮諗得到既範圍，人世間本來就係咁；而件事既發展，往往出於人既智力去唔到既位置，呢樣就係天道咯！ Continue reading
晉侯、秦伯圍鄭，以其無禮於晉，且貳於楚也。晉軍函陵，秦軍氾南。佚之狐言於鄭伯曰：「國危矣！若使燭之武見秦君，師必退。」
晉文公、秦穆公聯合出兵圍困鄭國。因為晉文公當年流亡在外，鄭伯(鄭文公)對晉文公不加禮遇，且勾結楚國，對晉國唔住。晉軍駐紮函陵，秦軍駐紮氾南。鄭大夫佚之狐向鄭伯講：「國家現在好危險！不過如果能夠派燭之武去遊說秦穆公，秦軍一定會撤退。」
公從之。辭曰：「臣之壯也，猶不如人。今老矣！無能為也已。」公曰：「吾不能早用子，今急而求子，是寡人之過也。然鄭亡，子亦有不利焉！」許之，夜縋而出。
鄭伯聽咁講，就去請燭之武 ，點知道佢一口推辭：「我壯年時，尚且不如人；而家年老，無咩用咯。」鄭伯說：「不能及早重用您，而家情況危急先至來求您，係寡人既錯咯！但是萬一鄭國滅亡，對您都不利啊。」燭之武終於答應。趁夜晚，用條繩子偷偷吊出城牆，出左城。 Continue reading
古文粵譯：子產論尹何為邑(左傳)
子皮欲使尹何為邑。子產曰：「少，未知可否。」
子皮想派尹何做自己封邑的行政長官。子產說︰「佢咁後生，唔知掂唔掂喎。」
子皮曰：「愿，吾愛之，不吾叛也。使夫往而學焉，夫亦愈知治矣。」
子皮說︰「佢為人老實，得我鍾意，佢不會背叛我。俾他去學下做，就會越做越掂架啦。」 Continue reading
古文粵譯：讀孟嘗君傳(王安石)
世皆稱孟嘗君能得士，士以故歸之，而卒賴其力以脫於虎豹之秦。
人人都咁講，孟嘗君能招攬人才，所以個D有才之士都來歸附佢，孟嘗君最後到係靠呢班既的本領，先至能夠由兇殘既秦國走甩出來。
嗟乎！孟嘗君特雞鳴狗盜*之雄耳，豈足以言得士？
唉！計我話，孟嘗君其實只係雞鳴狗盜的頭目罷了，點稱得上能夠招攬人才呢！
不然，擅齊之強，得一士焉，宜可以南面而制秦，尚何取雞鳴狗盜之力哉？
否則如過佢真係咁叻機話，齊國已經咁富強，只要能得到一個真正人才，應該就可以南面稱王，恰住秦國啦！駛咩要借助所謂「雞鳴狗盜」既幫助呢？
夫雞鳴狗盜之出其門，此士之所以不至也。佢個陣營，養埋晒D咁既雞鳴狗盜之徒，真正既人才，梗係唔會來啦。
*註：雞鳴狗盜：秦昭王囚禁孟嘗君，孟嘗君使人盜回孟嘗君所獻秦昭王之狐白裘，獻昭王幸姬，姬為言於昭王，孟嘗君乃得脫。夜半至函谷關，關門不開。孟嘗君一客擅扮雞鳴，一鳴而群雞盡鳴，守關者以為天光，開關，孟嘗君乃脫難。後世議「雞鳴狗盜」形容下三濫的小本領，或以此混生活的人。
http://chrisleung1954.blogspot.ca/2014/06/blog-post_9.html#more