WYK at 100 by Henry Ku ’56

2/2/2024

九龍華仁書院,將會今年舉辦建校一百週年校慶活動,我諗到時一定好熱鬧,好高興,我自己唔能夠參加,但喺呢喥獻上多少資料.

我在臉書見到幾張九華照片,特別有一張係九華喺旺角嘅舊校校舍,後來改做德仁書院。

嗰座就係我進入九華時嘅校舍。本來我想借相用,但唔知邊個係物主,冇辦法去打個招呼借用,所以冇相!

舊九華校舍建築物喺旺角兩條街交界之處:通菜街與乃路臣街。

正門望出,向住外面,右邊係通菜街,今日變成「女人街」,擺滿各式各樣女士及其他用品嘅攤檔,我都去過買嘢。

當日冇呢啲攤檔,但係早晨有好多苦力,等待僱主嚟招請臨時散工,雖然人多,但秩序聲響還好,不致騷擾我哋學生上課!

校舍右邊係乃路臣街,如果喺彌敦道巴士站落車,通往德明中學,諸聖堂中學等,學生要靠乃路臣街!

中午時份有不少女中學生經過嗰條街返學,我哋一班頑皮仔,就企喺二三樓騎樓,大聲吹口哨表示欣賞,呢女仔當然唔啋我哋,我都學識,將手指屈曲放入口中,吹得好响,過癮!

學校冇運動場,麥花臣球場係唯一運動場,其實係沙地一塊,人頭湧湧,無數人一齊踼波.

聯想起有一件小事:我記得40年代尾九華恢復教授學生,有夜校,我家中比較年長兄姊,夜晚參加英文班,有一晩我跟去,當然不知所謂,但係記得有一位老師到課室,對學生話學校需要枱椅,接受捐贈!

喝火令 晚秋留影 李勝生 ’66

2023.11.24 北國早已初冬,南方還是一番晚秋景象。西風料峭,秋月神傷。容易令人緬懷逝水芳華,思念千里朋情。西窗簾外,一抹殘陽催人老,一泓秋水迫人寒。思潮難禁填上一闋新詞,送上舊雨知音。

綠袖紅香裡,
青雲紫奼中。
口鋒如劍氣如虹。
一笑出門征遠,
千里落行蹤。
初日凌霄漢,
桑榆白髮翁。
便留痕處亦成空。
別了煙花,
別了月寒冬,
別了茂林春夢,
殘照立西風。

漢宮春 初春三月 李勝生 ’66

香港三月,正值北國池面初解。新詞《漢宮春》偶成,聊以記初春情懷,解歲弊寒凶之思。 李勝生 2023 03 10

 斜照桑榆,日暮三月裡,煙水重重。天涯路遠,歷經幾許嚴冬。層層雪厚,每春臨、河解冰融。流水間、花開花落,鏡前稀髮蒼容。
 昔日同遊何往?記潮邊綠岸,細説西東。誰知一朝惜別,別後難逢。人生碎夢,再尋時、夢境無蹤。應不久、櫻花時節,又迎彩蝶薰風。

沁園春 春望 2022.2.10 — 李勝生 ’66

疫情肆虐, 生靈塗炭,民生凋敝,親友離隔。自 2019 至今已前後四年,疾患依然, 老弱聞風喪膽,少壯恐惶不安。前路遙遙, 凶吉難料。在此天地灰暗之際,怨聲載道之時,借《沁園春 . 春望》以抒胸臆,期待春回大地, 溫暖再度人間。

 萬里陰霾,十面狂霜,四載厲冬。似崩山海嘯,危機屢屢,摧堤螻蟻, 隱患重重。縱使長情,知交零落,難卜何時劫後逢。層巒外,看秋鴻雲隔,歸路煙封。
 縈牽夢裡春風。又幾度回蘇悴岸容。帶嫩苞欲發,冰融水白,新條待曳,日暖枝紅。試問嫦娥,月圓月缺,天上人間是否同?花開日,聽鶯歌樹下,歡舞聲中。