古文粵譯:桃花源記__ 梁煥松 (71)

peachblossom

桃花源記(陶淵明)

晉太元中,武陵人,捕魚為業,緣溪行,忘路之遠近。
東晉太元年間,有一個捕魚為生既武陵人。某日,他順住條溪流扒船,行下行下都唔知道行左幾遠。

忽逢桃花林,夾岸數百步,中無雜樹,芳草鮮美,落英繽紛,漁人甚異之。
忽然見到個一片桃花林,兩岸幾百步之內,無其他樹木,綠草芳香,落花灑滿一地;漁夫就好奇怪。

復前行,欲窮其林。林盡水源,便得一山。山有小口,彷彿若有光,便舍船,從口入。
繼續前進,想走到樹林盡頭。盡頭就係水源,見到一座山,有個細細既山窿,隱隱約約好似有D光。他就船都唔扒,上岸行入去。

初極狹,纔通人;復行數十步,豁然開朗。
開頭好窄,一個人僅僅過得到;走多幾十步,忽然寬敞光猛起來。

土地平曠,屋舍儼然。有良田美池桑竹之屬,阡陌交通,雞犬相聞。
土地平坦遼闊,房屋排列整齊。有肥沃農田、靚水池、桑樹、竹子之類植物,道路交錯通達,間中聽到雞啼狗吠聲音。

其中往來種作,男女衣著,悉如外人﹔黃髮垂髫,並怡然自樂。
來來往往從事耕堹既人,男男女女的衣著,同外邊人無乜分別;老人家同細路仔,都自得其樂。

見漁人,乃大驚,問所從來,具答之,便要還家,設酒殺雞作食,村中聞有此人,咸來問訊。
佢地見到個漁夫,都好奇怪,問佢係邊度來。漁夫照實講啦,佢地就請佢返屋企,開酒、劏雞,請佢食飯。村裡頭D人聽說有呢個外人,都走來八卦下。

自云先世避秦時亂,率妻子邑人,來此絕境,不復出焉,遂與外人間隔。
佢地話喎:祖先為躲避秦朝戰亂,同老婆、仔女、及同鄉,來到呢個無人到的地方,從此再唔出返去,於是就和外界的隔絕囉。

問今是何世,乃不知有漢,無論魏、晉。此人一一為具言所聞,皆嘆惋。
他們問漁夫:而家係咩年代呀?什麼朝代?講起來,佢地竟然唔知道秦之後既漢朝,跟住既魏同晉更家唔駛講咯!漁夫同佢地講下啦,佢地聽到都好感慨。

餘人各復延至其家,皆出酒食。停數日辭去,此中人語云:「不足為外人道也。」
其他的人又分別邀請漁夫返佢地屋企,亦都用酒菜來招呼佢。停留左幾日,佢先至告辭。D村民叫佢:「千祈咪同出面D人講呀!」

既出,得其船,便扶向路,處處志之。
他出左來,上番自己隻船,就沿住原路返去,經過的既地方,處處留低記號。

及郡下,詣太守說此。太守即遣人隨其往,尋向所志,遂迷不復得路。
點知佢到了郡城,即刻拜見太守講晒出來。太守就派人同佢去搵先前做落既記號,結果都係蕩失路搵唔番。

南陽劉子驥,高士也,聞之,欣然規往,未果,尋病終。後遂無問津者。
南陽郡有個高人劉子驥,聽到呢件事,好開心,仲計劃親身去搵,都係搵唔到,無幾耐仲病死埋。從此之後,就無人再去咯。

http://chrisleung1954.blogspot.ca/2014/03/blog-post_24.html#more

This entry was posted in 古文粵譯 and tagged . Bookmark the permalink.

Leave a Reply

Your email address will not be published. Required fields are marked *